په جوزجان کې د پايو د نصب لپاره له ۲۰۰ څخه د زياتو جايدادونو د مالکيت حق تثبيت شو
ښار جوړولو او ځمکو وزارت له شبرغان څخه تر مزارشريف پورې د ۲۲۰ کيلو ولټه انتقالي برېښنا په لېږد کې د اسانتياو رامنځته کولو په موخه په جوزجان ولايت کې د پايو د نصب ۲۳۸ ځايونو د مالکيت حق د تثبيت چارې بشپړې کړې.
له دې ډلې څخه ۷۳ پايې په دولتي ځمکه کې او ۱۶۴ نورې پايې په شخصي ځمکه کې تثبيت شوي او د نورو ۱۱ پايو د نصب لپاره د مالکيت حق د تثبيت چارې دوام لري.
ښار جوړولو او ځمکو وزارت د مالکيت حق په تثبيتولو له مزار شريف ښار سره د شبرغان ښار د سب سټيشن نښلولو عملي چارو د پيل لپاره زمينه برابروي.
