د پکتیا ولایت د نوي پلان لپاره ارزونه روانه ده
۱۴۴۶/۱/۱۶
د کور اوښار جوړولو وزارت د هدایت په اساس تللي هئیت د پکتیا ولایت د کور او ښار جوړولو ریاست استازو په شتون کې د پکتیا ولایت د ښاري پلان د تطبیق ارزونه وکړه.
د پکتیا ولایت د کور او ښار جوړولو ریاست محترم رئیس مفتي عبیدالله رشاد وایي، د مرګز نه ورغلی هئیت سره به په ګډه د پکتیا ولایت د ښاري پلان تر ارزونې وروسته به د ګردیز ښار لپاره یو جامع پلان جوړوي.
ښاغلي رشاد وویل، د ګردیز ښار لپاره پلان به د دې ولایت د محترم مقام، د ګردیز ښاروالۍ سره په ګډه همکارۍ به یاده پروسه په مخ وړي، تر څو د غیرې پلاني ابادي مخنيوی وشي او ګردیز کې ټوله ابادي د یو منظم پلان تر چتر لاندې تر سره شي.
د کور او ښار جوړولو وزارت په ټولو ښارونو کې هڅې پیل کړي چې وده او پراختیا د پلان مطابق ترسره شي.
