سرپل کې د شاه چنار لېسې ودانۍ رغنیزې چارې بشپړې شوې
ښارجوړولو او ځمکو وزارت د مخکې جوړو شویو ودانیزو توکو د تولید فابریکې له لارې په سرپل ولایت کې د شاه چنار شپږ صنفي لیسې ودانیزې چارې بشپړې او ګټې اخیستنې ته وسپارله.
یاد ښونځی په ۵۷۹ متر مربع ځمکه کې، د ښارجوړولو او ځمکو وزارت د ۱۹ میلیونه افغانیو په ارزښت جوړ شوی دی.
ښارجوړولو او ځمکو وزارت په پام کې لري د روان کال تر پایه په ټول هېواد کې ۱۰۰ بابه ښونځي د افغاني کورجوړولو ادارې د مخکې جوړو شویو ودانیزو توکو د تولید فابریکې له لارې جوړ او ګټې اخیستنې ته وسپاري.
