د پنجشېر حصه اول ولسوالۍ کې د روغتون لپاره د ځمکې سروې او سکېچ وشو
۱۴۴۶/۷/۳
پنجشېر ولایت کې د کور او ښار جوړولو ریاست محترم رئیس انجنیر محمد فهیم نورزاد وایي، د دغه ولایت په حصه اول ولسوالۍ کې یې د روغتون جوړېدو لپاره د ځمکې سروې او سکېچ چارې بشپړې کړې.
ښاغلی انجنیر نورزاد وايي، یاده سروې او سکېچ یې د دغه ولایت د عامې روغتیا محترم ریاست په غوښتنه او د ولایت محترم مقام د حکم پر بنسټ ترسره کړ.
نوموړی وایي، د روغتون لپاره تعین شوې ساحه سروې او سکېچ شوه، چې د نورو اقداماتو په موخه د عامې روغتیا محترم ریاست ته تسلیم شوه.
د کور او ښار جوړولو وزارت د دولتي پروژو د رامنځته کېدو په موخه په ټولو ولایتونو کې ځمکې سروې او سکېچ کوي.
