میدان وردګو ولایت کې د کور او ښار جوړولو ریاست په مشرۍ پر راستانه شوو مهاجرو نقدي مرسته ووېشل شوه
۱۴۴۷/۹/۲
د راستنېدونکو مهاجرو لاسنیوی؛ د هوسا او باعزته ژوند پر لور یو عملي ګام دی، چې د اسلامي، ملي او بشري مسؤلیت او همکارۍ څرګندونه کوي.
تازه، په میدان وردګو ولایت کې راستنېدونکو کډوالو ته د دایمي استوګنې او ځمکو د وېش په تړاو د ولایتي هیئت غونډه ترسره شوه.
په همدې مناسبت، د ولایتي کمېټې مسؤلینو ته د مشرتابه له لوري تشویقي پیسې هم وسپارل شوې، چې دا بهیر د کور او ښار جوړولو ریاست تر سرپرستۍ لاندې ترسره شو.
په غونډه کې تصمیم ونیول شو، چې د راستانه شوو مهاجرو کورنیو له ډلې د سلو (۱۰۰) هغو لپاره به د نمرو د قرعې اچولو ورځ راتلونکې دوشنبه وټاکي.
د کور او ښار جوړولو محترم ریاست ګډونوالو ته د بېړنیو کمېټو د راتلونکو فعالیتونو او د کډوالو په ښارګوټو کې د خیریه مؤسسو د کړنو په اړه معلومات وړاندې کړل.
میدان وردګ ولایت کې د کور او ښار جوړولو د محترم ریاست په مشرۍ د ځمکو د وېش ولایتي کمېټې ډاډ ورکړ چې راستنېدونکو کډوالو ته به خدمات په چټکتیا، شفافیت او پر وخت وړاندې کېږي، او د هغوی ستونزو ته به پر وخت رسېدنه وشي.
