د هلمند ولایت د مهاجرینو ښارګوټي د زیربنایي چارو بهیر دوام لري
۱۴۴۷/۰۷/۳
هلمند ولایت کې د کور او ښار جوړولو ریاست د تخنیکي ټیم له لوري د هلمند ولایت د مهاجرینو ښارګوټي د ترسره شويو زیربنایي کارونو څارنه تر سره شوه.
د ښارګوټي د سړکونو د لیول او بنسټیزو کارونو بهیر په منظم ډول روان دی، چې د عمومي څلوېښت متره سړک بیلابیلې چارې او همدارنګه د نورو داخلي سړکونو پریکول پر معیاري ډول پر مخ روان دي.
د سړکونو لپاره ټاکل شوې خاوره د منظور شوې ارتفاع له مخې اچول کېږي او د ښارګوټي د اوسېدونکو د اړتیاوو د پوره کولو په موخه د اوبو د یوې برمې وهلو چارې هم په منظم ډول پر مخ روانې دي.
دغه راز، د برمې د موقعیت تثبیت او لومړنۍ چارې بشپړې شوې او دا مهال د برمې وهلو عملي کار د منظور شوې نقشې او تخنیکي معیارونو مطابق جریان لري.
د کور او ښار جوړولو وزارت د هېواد په بېلابېلو ولایتونو کې د مهاجرینو د منظم مېشتېدو لپاره د ښارګوټو د جوړولو پروژې عملي کوي.
