د ښار جوړولو او ځمکو وزارت سرپرست له مراجعینو سره د ستونزو د حل په موخه وکتل.
د ښار جوړولو او ځمکو وزارت سرپرست ښاغلي مولوي حمدالله نعماني د ياد وزارت له یو شمېر مراجعینو سره د ستونزو د حل او د هغوی د غوښتنو د حل په موخه وکتل.
په دې کتنه کې لومړی د ښارجوړولو او ځمکو وزارت سرپرست سره مراجعینو خپلې ستونزې شریکې کړې او له ښاغلي مولوي نعماني څخه یې وغوښتل چې د ستونزو په حل کې ورسره همکاري وکړي.
ورپسې د ښارجوړولو او ځمکو وزارت سرپرست د خلکو د ستونزو حل او د هغوی پاملرنه خپله دنده وګڼله او اړوندو مسوولینو ته یې لارښوونه وکړه چې د دوی ستونزې ژر تر ژره د اصولو مطابق حل کړي.
