په کندز کې د یو روغتیايي مرکز چارې دوام لري
ښارجوړولو او ځمکو وزارت د کندز ولایت د دشت ارچي ولسوالۍ په نهر جدید کلي کې د یو روغتیايي مرکز رغنیزې چارې ۸۵ سلنه چارې بشپړې کړي دي.
دا روغتیايي مرکز په ۲۳۴ متر مربع ځمکه کې په یو پوړ د ۱۰ میلیونه او ۸۰۰ زره افغانیو په ارزښت د عامې روغتیا وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د روغتیايي مرکزونو، د دولتي ادارو ودانیو، لوبغالو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې رغنده رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.
