ميدان وردګ ولايت کې له ۱۰ جريبو څخه زیاته ځمکه انتقال شوه
ښار جوړولو او ځمکو وزارت د ځمکو د انتقال په لړ کې دا ځل په ميدان وردګ ولايت کې ۱۳ جريبه سپينه دولتي ځمکه ولېږدوله.
دا سپينه دولتي ځمکه د ميدان وردګ ولايت په دای ميرداد ولسوالۍ کې د يو باب ښوونځي د جوړېدو په موخه د پوهنې وزارت په غوښتنه ولېږدول شوه.
ښار جوړولو او ځمکو وزارت تر اوسه د هېواد په ۲۹ ولايتونو کې د کډوالو، معلمينو، غالۍ اوبدونکو او صنعتي پارکونو لپاره د ښارګوټو په ګډون د نورو ګڼو بنسټونو د جوړېدو په موخه د دولت بېلابېلو متقاضي ادارو ته ۲۴۲ زره جريبه دولتي ځمکه انتقال کړې ده.
