کابل ښار کې د ترافیکي ګڼې ګوڼې ختمولو په موخه ناسته وشوه

۱۴۴۵/۷/۴

د کور او ښار جوړولو وزارت د محترم سرپرست وزیر شیخ حمدالله نعماني په مشرۍ، کابل کې د ترافیکي ګڼې ګوڼې ختمولو او د ترانسپورتي ترمینلونو جوړولو په پار ناسته وشوه.

دغه ناسته د ا.ا.ا د محترمې کابینې د ۱۴۴۵/۵/۲۰ نېټې د لسمې ګڼې مصوبې د درېیم بند د عملي کېدا په موخه ترسره شوه، چې په کې د ترانسپورت او هوايي چلند محترم وزارت، کرنې، اوبو لګولو او مالدارۍ محترم وزارت، د کورنیو چارو وزارت د تامیناتي محترم معینیت او د کابل محترمې ښاروالۍ استازو هم ګډون کړی وو.

موخه دا وه، چې څنګه کېدای شي کابل ښار کې اوسنۍ ګڼه ګوڼه ختمه او د کابل په څلورو دروازو کې ترانسپورتي ترمینلونه جوړ شي.

یاد ترمینلونه، د کابل ولایت په خاک جبار ولسوالۍ، استالف، چهاراسیاب او د پغمان په ارغندۍ کې جوړېږي، چې ټولې اسانتیاوې او د ژوند اړتیاوې په کې په پام کې نیول شوي دي.

د ښاغلي حمدالله نعماني په مشرۍ ناسته کې پرېکړه وشوه، چې د کرنې، اوبو لګولو او مالدارۍ محترم وزارت به د څلور واړو ترمینلونو سابقه تائید شوي اسناد د کور او ښار جوړولو وزارت ته را استوي او دغه راز به پورته ذکر شوې کمېټه د ترمینلونو له ساحې لیدنه کوي، چې اوسني وضعیت یې په څه ډول دی.

تر هر اړخیزو اسنادو او لیدنو وروسته به یاده کمېټه په دې اړوند خپلې موندنې او کاري راپور د ا.ا.ا محترمې کابینې ته وړاندې کوي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.