پکتیکا کې د درې تعلیمي پروژو رغنیزې چارې دوام لري
ښارجوړولو او ځمکو وزارت د پکتیکا ولایت په خیرکوټ ولسوالۍ کې د بي بي عایشې او عمري ښوونځي او همداراز د دې ولایت په جاني خېلو ولسوالۍ کې د نوراني ښوونځي لپاره ودانۍ جوړوي.
د بي بي عایشې ښوونځی په ۷۱۳ متر مربع ځمکه کې په یو پوړ د ۲۳ میلیونه او ۲۰۰ زره افغانیو په ارزښت د ښارجوړولو او ځمکو وزارت د پراختیايي بودیجې څخه جوړېږي.
د عمري ښوونځی په ۷۱۳ متر مربع ځمکه کې په یو پوړ د ۲۳ میلیونه او ۴۰۰ زره افغانیو په ارزښت او همداراز د نوراني ښوونځی په ۷۲۱ متر مربع ځمکه کې په دوه پوړونو د ۱۸ میلیونه او ۲۰۰ زره افغانیو په ارزښت د ښارجوړولو او ځمکو وزارت د براختیايي بودیجې څخه د جوړېدو په حال کې دي.
د هېواد په کچه د ښوونځیو جوړول د ښارجوړولو او ځمکو وزارت کاري لومړیتوب دی او ټاکل شوې دا وزارت د هېواد په کچه د خصوصي سکټور په همکارۍ د مخکې جوړو شویو ښوونځیو چارې پر مخ یوسي او دا لړۍ لا ګړندۍ کړي.
###
