په کندهار ولايت کې د يو روغتيايي کلينيک ودانۍ به ډير ژر ګټې اخېستنې ته وسپارل شي
ښار جوړولو او ځمکو وزارت د کندهار ولايت په تختهپل ولسوالۍ کې د روغتيايي بنسټيزو خدماتو کلينيک لپاره د ودانۍ جوړولو چارې ۷۳ سلنه بشپړې کړي او په نږدې راتلونکي کې به يې ګټې اخېستنې ته وسپاري.
دا روغتيايي مرکز په ۲۸۰ متر مربع ځمکه کې په يو پوړيز ډول د ښار جوړولو او ځمکو وزارت له پراختيايي بوديجې څخه په ۸ ميلیونه ۹۰۰ زره افغانيو لګښت رغول کيږي.
ښار جوړولو او ځمکو وزارت په بېلابېلو ولايتونو کې د عامه بنسټونو لپاره د ودانيو په رغولو سره نه يوازې خلکو ته د خدماتو رسولو چارې چټکې کړي، بلکې سيمهييزې حکومتولۍ ته يې هم تقويت ورکړی.
