په نیمروز ولایت کې د درې پراختیایي پروژو د کار له بهیره څارنه ترسره شوه
۱۴۴۷/۰۷/۲۲
د نیمروز ولایت د کور او ښار جوړولو د محترم رئیس په مشرۍ د یادې ادارې تخنیکي او انجنيري ټیم د زرنج ښار او ولسوالیو کې د درې پراختیایي پروژو د کار له بهیر څخه څارنه ترسره کړه.
ښاغلي رئیس وویل، د خاشرود ولسوالۍ د قلعه زرقون سیمې د تصفیې لپاره د ځمکو سروې، د زرنج ښاروالۍ په همکارۍ د شپږم او اووم ښاري پلان اړوند ساحوي سروې، او همدارنګه د زرنج ښار د بندرولۍ اړوند د جوماټ پروژو څارنه ترسره شوې ده.
نوموړي زیاته کړه چې د څارنې پر مهال د پروژو د پرمختګ کچه، ننګونې او ستونزې وڅېړل شوې او د یادو پروژو مسؤلینو ته لازمې لارښوونې وشوې، تر څو پروژې د قراردادونو او انجنيري معیارونو سره سم پر مخ ولاړې شي.
نوموړي ټینګار وکړ چې د کور ښار او جوړولو ریاست هڅه کوي د ولایت ټولې پراختیایي پروژې په دوامداره توګه تر څارنې لاندې ونیسي، څو ډاډ ترلاسه شي چې چارې د پلان او انجینرۍ د اصولو مطابق پلي کېږي.
د پراختیایي پروژو دوامداره څارنه د کیفیت لوړولو او د چارو د پر وخت بشپړېدو لپاره مهمه ده.
