په فراه ښار دوهمې ناحیې کې ښاري تخلفات په نښه شول
۱۴۴۷/۳/۲۸
د کور او ښار جوړولو وزارت، له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي او مسلکي ټیم یې د فراه ښار په دوهمه ناحیه کې د ښاري تخلفاتو د په نښه کولو او مخنیوي په موخه څارنه او ارزنه وکړه.
ښاغلی مولوي حقاني وایي، د څارنې په مهال ثابته شوه چې د ښار په دوهمه ناحیه کې د تفصیلي پلان خلاف په خپلسرې توګه د یویې ودانې د جوړولو چارې روانې دي.
نوموړی وایي، اړوند ټیم یې د یادې خپلسرې او غیر قانوني ودانۍ له جوړېدو مخنیوی وکړ او مالک ته یې په تړاو لازم پوهاوی ورکړل شو.
د ښاري تخلفاتو د مخنیوي ریاست د مسلکي او متخصص ټیم د معلوماتو له مخې، هغه ساحه چې په کې کار روان دی، ریزرفي ساحه ده او د نافذه قوانینو له مخې په هغې کې هېڅ ډول د جوړولو جواز، نه ورکول کېږي.
د یادولو وړ ده ، چې د تفصیلي پلانونو خلاف هېڅ ډول جوړول د منلو وړ نه دي او متخلفین مکلف دي چې په ټولو ساختماني چارو کې د ښار جوړولو نافذه قوانین او مقررات رعایت کړي.
