په فراه ولایت کې د یو باب ښوونځي له ودانیزو چارو څارنه تر سره شوه
۱۳/۹/۱۴۴۶
د فراه ولایت د کور او ښار جوړولو ریاست محترم رئیس مولوي نصرالله استقلال وایي، د دې ریاست اړوند د تخنیکي ټیم لخوا په چهار باغ کلي کې د یو باب ښوونځي له ودانیزو چارو څارنه تر سره شوه.
ښاغلي مولوي استقلال وویل، د دې ښوونځي د تعمیر د لومړي او دویم پوړ د چیپس کارۍ او د تشنابونو د موزایک کارۍ چارې روانې وې چې ترې څارنه تر سره شوه او همداراز د دې پروژې چارې (۹۰) سلنه مخته تللي دي.
د کور او ښار جوړولو وزارت مرکزي او ولایتي ټيمونه د پروژو له چارو څارنه کوي، تر څو چارې د نقشې مطابق په معیار برابرې تر سره شي.
