په دايکنډي ولايت کې له ۳۰ جريبو څخه زياته ځمکه استرداد شوه
د ښار جوړولو او ځمکو وزارت د غصب شويو دولتي ځمکو د استرداد په دوام دا ځل په دايکنډي ولايت کې ۳۵ جريبه ځمکه د غاصبينو له منګولو خلاصه کړه.
دا ټوټه ځمکه د دايکنډي ولايت د ميرامور ولسوالۍ په فولاد قريه کې له څو کلونو راهيسې د ځايي زورواکانو تر شخصي استفادې لاندې وه، خو د ښار جوړولو او ځمکو وزارت په زيار ترې معقولې او موثرې استفادې لپاره زمينه برابره شوه.
ښار جوړولو او ځمکو وزارت تر اوسه په ټول هېواد کې ۵۰۰ زره جريبه دولتي ځمکه له غاصبينو خلاصه کړې چې له دې ډلې څخه ۶۹ جريبه يې په دايکنډي ولايت کې ده.
