په جوزجان ولایت کې د ښار جوړولو او ځمکو وزارت له ساختماني پروژو څارنه وشوه
د نورو فعالیتونو سربېره د ښار جوړولو او ځمکو وزارت په جوزجان ولایت کې له ساختماني پروژو لیدنه او څارنه وکړه.
په جوزجان ولایت کې د امیر تیمور مارکېټ ، د ولایت مقام مسجد ، او د دغه ولایت د عامې روغتیا ریاست د ودانۍ ډیپو د هغه پروژو له ډلې دي چې د ښار جوړولو او ځمکو وزارت انجنیرانو یې له چارو او کیفیت لیدنه او څارنه وکړه.
د ټولګتو پروژو رامنځته کول او له هغو څخه لیدنه او څارنه د ښار جوړولو او ځمکو وزارت له لومړیتوبونو څخه دي چې د پلې کولو لپاره یې د هېواد په ګچه چټک او پیاوړي ګامونه پورته کوي.
