په تخار کې د یو جومات رغنیزې چارې پیل شوې
ښارجوړولو او ځمکو وزارت د تخار ولایت په تالقان ښار اړوند جوی شیخ کلي کې د یو جومات رغنیزې چارې پیل کړې.
د دې جومات ودانۍ په ۳۶۰ متر مربع ځمکه کې په دوه پوړونو د ۱۹ میلیونه او ۵۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د روغتیايي مرکزونو، د دولتي ادارو ودانیو، لوبغالو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې رغنده رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.
