په تخار کې د یوې روغتیايي پروژې چارې بشپړې او د معارف یوې پروژې کار دوام لري
ښارجوړولو او ځمکو وزارت د تخار ولایت، چاه آب ولسوالۍ په خاکسار کلي کې د یو روغتیايي کلنیک رغنیزې چارې بشپړې کړې. دا روغتیايي مرکز په ۲۵۲ متر مربع ځمکه کې په یو پوړ د ۵ میلیونه او ۶۰۰ افغانیو په ارزښت جوړ شوی دی.
د دې ترڅنګ دا وزارت په تخار ولایت کې د حضرت عبدالله لس صنفي ښوونځي رغنیزې چارې ۲۰ سلنه بشپړې کړي دي.
یاد ښوونځی د چاه آب ولسوالۍ په کیوان کلي کې پر ۸۳۳ متر مربع ځمکه باندې په دوه پوړونو د ۲۴ میلیونه او ۷۰۰ زره افغانیو په ارزښت جوړیږي.
ښارجوړولو او ځمکو وزارت د روغتیا په برخه کې د ټولګټو پروژو په عملي کولو سره، د هېواد په لرې پرتو سیمو کې د صحي خدماتو وړاندې کولو کچه لوړه کړې.
###
