په بلخ کې څه باندې ۳۵۰ زره جریبه دولتي ځمکه سروې او ثبت شوه
د ښارجوړولو او ځمکو وزارت په هېواد کې د دولتي ځمکو بانک برنامې د پلي کیدو پر مهال د بلخ ولایت په اړوندو سېمو ۱۶۷ قطعو کې ۳۵۸۰۰۱ جریبه دولتي ځمکې او ملکیتونه سروې او ثبت کړي دي.
له دې شمېر څخه، ۳۵۵۱۲۶۴ جریبه سپینه دولتي او پاتي ۶۷۳۷ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او بېلابېلو ولسوالیو کې ثبت شوي دي.
د ښارجوړولو او ځمکو وزارت تر دې دمه د هېواد په ۲۸ ولایتونو کې ۶ ملیونه، ۴۳۸ زره او ۳۴۹ جریبه دولتی ملکیتونه او ځمکې چې ۶۶۵۱ قطعې کیږي، سروې او ثبت کړي او دا وزارت ژمن دی چې د دې پروسې له لارې په هېواد کې د حکومت سترو پرمختیایي او اقتصادي پلانونو پلي کیدو ته زمینه برابره کړې.
