له تېرو دوو کالونو راپدېخوا اتیا بېلا بېل ښاري پلانونه جوړ شوي دي
۱۴۴۶/۹/۲۰
د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني په مشرۍ د ښاري نقشو د ویزه کولو کمیسیون د جوړېدو څخه تر دې دمه (۸۰) قطعې بېلا بېل ښاري پلانونه جوړ شوي دي.
د ښاري نقشو د ویزه کولو کمېسیون سکرتر محترم انجنیر بدلون امیري وایي، په دې پلانونو کې تفصیلي پلانونه، اصلاحي پلانونه، د بهسازۍ پلانونه، د کډوالو د ښارګوټو لپاره تفصیلي پلانونه، د اوبو رسولو او د فاضله اوبو د وېستلو لپاره پلانونه او د نقشو بیا کتنه شامل دي.
د نوموړي په خبره، یاد پلانونه د ټولو ولایتونو لپاره ترتیب شوي چې، په ورسره به ښاري پراختیا منظمه شي او د غیرې پلانې ودې او پراختیا مخه به ونیول شي.
د کور او ښار جوړولو وزارت هڅې پیل کړي چې په هېواد کې ټولې د ابادۍ چارې د منظمو پلانونو له مخې ترسره شي او د خپلسرو مخنیوی وشي
