غور کې د درې ټولګټو پروژو رغنیزې چارې دوام لري
ښارجوړولو او ځمکو وزارت د غور ولایت د لعل و سرجنګل ولسوالۍ په یخک کلي کې د یو جومات، د غور ولایت د ښارجوړولو ریاست او د دې ولایت په مرکز فیروز کوه ښار کې د یو ورزشي سټډیوم رغنیزې چارې تر کار لاندې لري.
د لعل و سرجنګل ولسوالۍ جومات چې د ۳۴۰ لمونځ کوونکو ظرفیت لري په ۹۵۸ متر مربع ځمکه کې په یو پوړ د ۱۹ میلیونه او ۲۰۰ زره افغانیو، د غور ولایت د ښارجوړولو ریاست ودانۍ په ۳۲۵ متر مربع ځمکه کې په دوه پوړونو د ۹ میلیونه او ۸۰۰ زره افغانیو او همداراز د دې ولایت ورزشي سټډیوم په ۳۴۵۰ متر مربع ځمکه کې په یو پوړ د ۳۹ میلیونه او ۸۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
د لعل و سرجنګل ولسوالۍ د یخک کلي جومات رغنیزې چارې ۹۰ سلنه، د غور ولایت د ښارجوړولو ریاست ودانۍ رغنیزې چارې ۴۰ سلنه او همدارا د دې ولایت د ورزشي سټډیوم رغنیزې چارې ۱۱ سلنه بشپړې شوې دي.
###
