سمنګان کې څه باندې ۱۳۱ زره جریبه دولتي ځمکه ثبت شوه
ښار جوړولو او ځمکو وزارت په هېواد کې د دولتي ځمکو بانک برنامې په دوام، د سمنګان ولایت اړوندو سېمو په ۳۸۴ قطعو کې، ۱۳۱ زره او ۲۲۲ جریبه دولتي ځمکه او ملکیتونه ثبت کړي دي.
له دې شمېر څخه ۱۲۶۹۰۷ جریبه سپينه دولتي ځمکه او پاتې ۴۳۱۵ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او بېلابېلو ولسوالیو کې ثبت شوي دي.
ښار جوړولو او ځمکو وزارت تر دې دمه د هېواد ۳۱ ولایتونو په ۶۹۳۹ قطعو کې، ۶ مېلیونه ۸۱۱ زره او ۴۸۲ جریبه دولتي ځمکه او ملکیتونه د لویو پرمختیایي او اقتصادي پروژو د پلي کېدو په موخه سروې او ثبت کړي دي.
