د کور او ښار جوړولو وزارت رهبري هئیت خپله دیارلسمه ناسته وکړه
۱۴۴۶/۱۱/۱۶
د کور او ښار جوړولو وزارت د محترم سرپرست وزیر الحاج شیخ حمدالله نعماني په مشرۍ او د دغه وزارت د ښاري چارو محترم مرستیال شیخ مدارعلي کریمي بامیاني، محترم مالي او اداري مرستیال الحاج محمد ارسلاح خروټي، د مسکن ودانیزو چارو او د برنامو د پراختیا محترم مرستیال الحاج محمد اسماعیل فائز او د یاد وزارت یو شمېر رئیسانو دیارلسمه رهبري ناسته ترسره کړه.
په یاده ناسته کې، د کور او ښار جوړولو وزارت اړوند د هغو پراختیايي پروژو اړه بحث وشو، چې د ۱۴۰۴ کال بودیجې په سند کې منظور شوي دي.
په دې ناسته کې، د نوي کابل ښار په اول فاز کې د (۱۴) کیلو مټره سړک چې بر یې (۱۲) مټره دي، د باریک اب د زون صنعتي زون د خامه سړک د جوړولو په اړه بحث وشو او اړوندو ادارو ته دنده وسپارل شوه، تر څو خپلې لومړنۍ چار پیل کړي.
په ورته وخت کې، د فاریاب او غور ولایتونو د کور او ښار جوړولو ریاستونو د احاطوي دیوال او څلور نورو موضوعاتو په اړه خبرې وشوې او نظرونه شریک شول.
د پورته ذکر شوو موضوعاتو په تړاو اړوندو ریاستونو او معینیتونو خپل خپل نظریات او وړاندیزونه شریک کړل او د برخلیک ټاکلو په موخه یې لازم تصمیمونه ونیول شول.
د کور او ښار جوړولو وزارت هڅې پیل کړي، چې د هېواد په کچه ټولې پروژې په ښه کیفیت او اغېزمنې ګټې اخیستنې سره سرته ورسوي
