د کرکټ بورډ لپاره د نړیوال سټډیوم ځمکه بررسي شوه
1444/05/13
د کور او ښار جوړولو محترم سرپرست وزیر شیخ حمدالله نعماني د کرکټ بورډ او کابل ښاروالۍ د استازو په شتون کې د کابل په 16 ناحیه الوخیلو سیمه کې د کرکټ بورډ د اړتیا اړوند ځمکې باندې نظرونه سره شریک کړل.
دغه درې اړخیزه ناسته د ا.ا.ا د کابینې د 1444/03/27 نېټې د ۱۲ مې ګڼې مصوبې د 3 بند د عملي کېدو په موخه وشوه، چې د کور او ښار جوړولو وزارت په مشرۍ د کابل ښاروالۍ او د کرکټ بورډ ادارې ته دنده سپارل شوې وه، چې د کابل په الوخیلو سیمه کې د کرکټ بورډ د نړیوال لوبغالي جوړولو په موخه د ځمکې ارزونه وکړي او پایله یې د کابینې غونډې ته وړاندې کړي.
یادې کمېټې په څو متعددو ناستو کې د یادې ځمکې په تړاو حقوقي، تخنیکي او مالي نظریات سره شریک کړل.د ناستو په پایله کې کمېټه هوکړې ته ورسېده، چې د کرکټ بورډ د اړتیا وړ ځمکه تثبیت د دې کیمټې غړي چې د کابل په الوخیلو کې یې د کرکټ بورډ د اړتیا وړ ځمکې باندې ناستې در لودې نتیجې ته رسیدلي چې پایله به یې د ا.ا.ا د کابینې ته واستوي تر څو پرې وروستی تصمیم ونیول شي.
