د کاپيسا کوهستان دوهمې حصې ولسوالۍ په جمال اغه بازار کې د خپل سرو کورونو له جوړېدو مخنیوی وشو
20/2/1444
د کاپيسا ولايت د ښار جوړولو او ځمکو رياست د دغه ولایت د کوهستاناتو د دوهمې حصې ولسوالۍ په جمال اغه بازار کې د خپل سرو کورونو له جوړېدو مخنیوی وکړ، چې په پلان شوو ساحو کې جوړېدل.
د کاپیسا د ښار جوړولو او ځمکو ریاست مسؤلین وایي، هغه کسان چې غواړي په دغه بازار کې کورونه او یا هټۍ جوړې کړي، باید د طرح شوي پلان مطابق وي.
دوی وایي، هېڅکله به هغه چا ته د فعالیت اجازه ورنه کړي چې غواړي د جوړ شوي پلان خلاف کورونه او یا هټۍ جوړې کړي.
په ټوله کې د ښار جوړولو او ځمکو وزارت هڅې پیل کړي چې د هېواد په کچه ښارونو کې د خپل سریو او غیر قانوني کړنو مخنیوی وکړي.
