د پکتیا ولایت په صالوخېل سیمه کې د سړک خط اچولو چارې پیل شوې
۱۴۴۶/۱۱/۲۱
د منظمې ښاري ودې او پراختیا په موخه، د کور او ښار جوړولو وزارت اړوند د سروې او جي ای ایس ریاست تخنیکي ټيم د پکتیا ولایت د صالوخېل په سیمه کې د سړک د خط اچولو چارې رسماً پیل کړې.
د کور او ښار جوړولو وزارت د سروې او جي ای ایس ریاست محترم رئیس حافظ انجنیر محمد یوسف لطیف وایې، یاده پروژه د ۱.۵ کیلومتره اوږد سړک مسیر رانغاړي، چې د ښاري پراختیا لپاره یو مهم ګام بلل کېږي.
ښاغلی انجنیر لطیف وایې، خط اچول، د سړک دقیق موقعیت، پلنوالی، حدود او جوړښت وضاحت ورکوي، تر څو راتلونکې ساختماني چارې په معیاري بڼه پرمخ ولاړې شي.
دا اقدام د پلان د تطبیق یوه حیاتي مرحله ده، چې له مخې به یې د سړکونو شبکې تنظیم، د ترافیکو جریان منظم، او خلکو ته اسانتیاوې برابرې شي.
د سروې اوجي ای ایس ریاست ډاډ ورکوي چې دا تخنیکي بهیر به د نړیوالو معیارونو مطابق، د دقیقو وسایلو په کارولو او د متخصصو انجنیرانو تر څار لاندې ترسره شي.
د کور او ښار جوړولو وزارت ژمن دی، چې د هېواد په ټولو ولایتونو کې به ښاري پراختیا ته پاملرنه وشي، او د بیارغونې دا بهیر به په پوره شفافیت او کیفیت سره مخته یوسي
