د پنجشیر ولایت د زندان له ودانیزو چارو څخه څارنه ترسره شوه
۱۴۴۷/۱۱/۵
د پنجشیر ولایت د کور او ښار جوړولو ریاست اړوند تخنیکي ټیم له لوري، د زندان د ودانیزو تعمیرونو د جوړولو له روانو چارو څخه ساحوي تخنیکي څارنه ترسره شوه.
د څارنې پر مهال د پروژې د ودانیزو چارو جریان له نږدې وڅارل شو او د کار د کیفیت د لا ښه والي په موخه قراردادي لوري ته لازمې تخنیکي لارښوونې وشوې.
د ټاکلې شوي تخنیکي ټيم له لوري به تر هغې د پروژې څارنه کیږي، چې ټولې ودانیزې چارې د تخنیکي اسنادو او منظور شوې نقشې سره سم پرمخ یوړل شي، څو پروژه په معیاري او لوړ کیفیت بشپړه شي.
د کور او ښار جوړولو وزارت مرکزي او ولایتي ټیمونه هڅه کوي، چې ټولې پروژې معیارونو سره سمې او په لوړ کیفیت تطبیق شي.
