د فراه ښار د اتمې ناحیې د مسلخ د پروژې د کار له جریان څخه لیدنه وشوه
۱۴۴۷/۰۲/۰۶
د فراه ولایت د کور او ښار جوړولو ریاست محترم رئیس مولوي نصرالله استقلال وایي، د فراه ښار د اتمې ناحیې اړوند د مسلخ د احاطوي دیوال او خدماتي برخې د جوړولو د پروژې د تطبیق له جریان څخه لیدنه ترسره شوه.
ښاغلي مولوي استقلال وویل، یاده پروژه د ښاروالۍ ریاست له لوري د حفظالصحې د وضعیت د ښه والي او د ذبح د نظم د تأمین په موخه طرحه شوې ده.
د نوموړي په خبره، د احاطوي دیوال د تهداب کیندنه د ماشین آلاتو په وسیله بشپړه شوې ده چې ژوروالی او پلنوالی یې د تخنیکي نقشې سره سم دی او د کیندنې دیوالونه منظم او صاف دي چې د پروژې د ابتدایي مرحلې د سم تطبیق ښکارندویي کوي.
