د غزني ښار د خواجه علي صاحب د سړک د پروژې چارې و څارل شوې
۱۴۴۷/۰۵/۲۰
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست اړوند تخنیکي ټیم د غزني ښار په مرکز کې د خواجه علی صاحب د سړک د پروژې له چارو څخه لیدنه وکړه.
ښاغلي مولوي متقي وویل، د کور او ښار جوړولو ریاست د تخنیکي ټیم له خوا د پروژې د لا ښه کیفیت، د کار د سرعت او د نقشې اصولو د دقیق پلي کېدو په اړه قراردادي شرکت ته لازمې سپارښتنې وشوې.
د خواجه علی صاحب د سړک پروژه د غزني ښار د ترافیکي ستونزو د حل، د ښار د ښېرازي د زیاتوالي او د خلکو د تګ راتګ د اسانتیا لپاره پیل شوې ده.
د کور او ښار جوړولو ریاست د یادې پروژې د ټولو برخو د نظارت او تخنیکي پلي کېدو څارنه په دوامداره ډول کوي، تر څو کارونه په معیاري توګه بشپړ شي.
