د رئیسانو پرهمکارۍ او همغږۍ ټینګار وشو
۱۴۴۷/۱/۳
د کور او ښار جوړولو وزارت د مسکن، ودانیزو چارو اوبرنامو د پراختیا معینیت د محترم سرپرست عبدالحمید آرین په مشرۍ، د همغږۍ او پېژندنې غونډه ترسره شوه.
په دې غونډه کې د یاد معینیت یو شمېر رئیسانو ګډون کړی و،ښاغلي آرین د رئیسانو تر منځ د لا زیاتې همکارۍ او همغږۍ پر اړتیا ټینګار وکړ او څرګنده یې کړه چې د معینیت اړوند ټولې پروژې او پروګرامونه باید له ځنډ پرته، د دقیقې پاملرنې او تعقیب لاندې تطبیق شي.
نوموړي د مسکن، ساختماني چارو او پروګرامونو د انکشاف معین الحاج محمد اسماعیل فائز د هڅو، زحمتونو او قاطعیت ستاینه وکړه او ژمنه یې وکړه چې له پخوا زیاتې هڅې به د چارو د پرمختګ او غوره همغږۍ په برخه کې ترسره کړي.
ښاغلي آرین ټینګار وکړ چې د معینیت اړوند پروژې باید له هر اړخه په دقیقه توګه اجرا شي او د رئیسانو وخت پر وخت حاضرېدل د ادارې د اصولو او قوانینو رعایت وبلل شو.
په غونډه کې ګډونوالو رئیسانو د خپلو اړوندو پروژو په اړه نظرونه او وړاندیزونه وړاندې کړل او ژمنه یې وکړه چې خپل کاري پلانونه به منظم او دوامداره توګه عملي او تعقیبوي.
