د  تخار په فرخار ولسوالۍ کې د یو سټیډیوم رغنیزې چارې پیل شوې

ښارجوړولو او ځمکو وزارت د تخار ولایت په فرخار ولسوالۍ کې د یو ورزشي سټډیوم رغنیزې چارې پیل کړې.

دا ورزشي سټډیوم په ۳۵۰ متر مربع ځمکه کې په درې پوړونو چې د فوټبال، والیبال، باسکتبال او منډې وهلو میدانونه، د ننداره کوونکو لپاره مناسب ځای، د ښځینه او نارینه وو لپاره ۲۰ جلا تشنابونه، سپتیک څاه، د جنراتور خونه، د اوبو زیرمه، د محافظینو خونه، د اوبو څاه او د موټرو تم ځای پکی شامل دي د ۷۹ میلیونه او ۲۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.

ښارجوړولو او ځمکو وزارت د هېواد په کچه د روغتیايي مرکزونو، د دولتي ادارو ودانیو، لوبغالو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې رغنده رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.

###