دايکنډي ولايت کې له ۷۰ زره جريبو څخه زياته دولتي ځمکه سروې او ثبت شوه
ښار جوړولو او ځمکو وزارت د دولتي ځمکو د بانک له پيل راهيسې تر اوسه په دايکنډي ولايت کې ۷۱۷۷۵ جريبه ځمکه او دولتي املاک سروې او ثبت کړي دي.
له دې ډلې څخه په ۱۶۰ قطعو کې ۶۹۹۶۷ جريبه سپينه دولتي ځمکه او په ۵۷ قطعو کې ۱۸۰۸ جريبه د دولت تر استفادې لاندې عامه ملکيتونه دي چې د دايکنډي ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۵۲۹۲ قطعو کې ۴ ميلیونه ۵۶۹ زره او ۱۰۲ جريبه ځمکه او دولتي املاک سروې، نقشه او ثبت کړي دي.
