خواجه رواش هستوګنیز ښارګوټي کې ښاري تخلفات له منځه یوړل شول
۱۴۴۶/۰۱/۲۴
د کور او ښار جوړولو وزارت له ښاري تخلفاتو څخه د مخنیوي ریاست د کابل په خواجه رواش هستوګنیز ښارګوټي کې اصلاحات رامنځته کړل.
د ښاري تخلفاتو مخنیوي ریاست محترم رئیس مولوي عبدالمنان حقاني وایي، د تېرو شپږو میاشتو راهیسې یې په کراتو د یاد ښارګوټي اوسېدونکو ته خبر ورکاوه چې له تخلفاتو ډډه وکړي.
ښاغلی مولوي عبدالمنان حقاني وایي، له مکررو توصیې او سپارښتنو سره سره یې اوسېدونکو له تخلفاتو ډډه ونه کړل، چې بالاخره دوی اړ شول، څو خپله لاس په کار شي او تخلفات له منځه یوسي.
نوموړی وایي، دغه چاره یې دوام کوي او ټول ښاري تخلفات به له منځه وړي.
هغه وایي، په نورو ټولو ښارګوټو کې به ورته اصلاحات رامنځته کېږي او په خبره یې د ریاسة الوزرا محترم عالي مقام له هدایت سره سم یې د ښاري تخلفاتو پر اصلاحاتو لاس پوری کړ.
د کور او ښار جوړولو وزارت هېچا ه اجازه نه ورکوي چې په هستوګنیز ښارګوټو کې خپل سرې چارې مخته یوسي او د پلان خلاف عمل ترسره کړي
