بلخ ولایت کې د ښاري سرغړونو د مخنیوي امریت چارې و ارزول شوې
۱۴۴۶/۶/۱
د ښاري سرغړونو د مخنیوي ریاست تخنیکي او مسلکي ټیم په بلخ ولایت کې د ښاري سرغړونو امریت چارې و څارلې او په دې تړاو یې د یاد امریت کار کونکو ته پریزنټېشن وړاندې کړ.
د ښاري سرغړونو د مخنیوي ریاست محترم رئیس مولوي عبدالمنان حقاني وایي، د ریاست اړوند مسلکي ټیم ته یې دنده سپارلې وه، چې په بلخ ولایت کې د ښاري سرغړونو د مخنیوي امریت چارې و ارزوي او د چارو د لا ښه مدیریت او تنظیم په موخه دې د دغه امریت کار کونکو ته پرزنټېشن وړاندې کړي.
ښاغلي مولوي حقاني وویل، په دې پرزنټېشن کې ښاري سرغړونو ته د رسېدو ریاست پېژندنه، د ښاري سرغړونو پېژندنه، د ښاري سرغړونو ډولونه، د ښاري سرغړونو په رامنځته کولو کې اغېزمن عوامل، د ښاري سرغړونو د مخنیوي ریاست اساسي دندې، د ښاري سرغړونو د مخنیوي ریاست کاري پروسه او نورې مهمې برخې تشریح شوې.
د کور او ښار جوړولو وزارت هڅې پیل کړي، چې د هېواد په کچه منظمه ښاري وده او پراختیا رامنځته کړي او په هر ولایت او ولسوالۍ کې د ښاري تخلفاتو مخنیوی وکړي.
