بغلان ولايت کې د زمانخېل ښوونځي ودانۍ ورغول شوه
ښار جوړولو او ځمکو وزارت د بغلان ولايت د پلخمري ولسوالۍ په زمانخان قريه کې د زمانخېل ښځېنهو ښوونځي لپاره د ودانۍ جوړولو چارې بشپړې کړې او ګټې اخېستنې ته يې وسپارله.
دا ښوونځی په ۹۷۱ متر مربع ځمکه کې په دوه پوړيز ډول د ښار جوړولو او ځمکو وزارت له انکشافي بوديجې څخه په ۲۲ ميليونه افغانيو د کور جوړونې ادارې لهخوا د پېش ساخت قطعاتو د توليد فابريکې پر مټ ورغول شو.
ښار جوړولو او ځمکو وزارت د کور جوړونې ادارې د پېش ساخت قطعاتو د توليد فابريکې په وسيله د روان لمريز کال په ترڅ کې تر اوسه د هېواد په بېلابېلو ولايتونو کې ۸۰ ښوونځيو لپاره ودانۍ جوړې کړي.
