د کابل – کندهار لویې لارې په شاجوی ولسوالۍ کې د یو باب مسجد شریف له ودانیزو چارو څخه تخنیکي نظارت ترسره شو
۱۴۴۷/۱۱/۱۳
د زابل ولایت د کور او ښار جوړولو ریاست اړوند تخنیکي ټیم له لوري، د کابل – کندهار په لویه لاره د شاجوی ولسوالۍ په ساحه کې د یو باب مسجد شریف له ودانیزو چارو څخه ساحوي تخنیکي نظارت ترسره شو.
یاد مسجد شریف چې د معیاري ساختماني موادو په کارولو او د تخنیکي اصولو په رعایت سره جوړېږي، د نظارت پر مهال یې ټولې چارې له نږدې و ارزول شوې.
د ساحوي نظارت په جریان کې څرګنده شوه چې د ودانیزو چارو بهیر د منظور شوو نقشو مطابق روان دی، د ساختماني معیارونو بشپړ رعایت پکې شوی او د کار کیفیت د قناعت وړ دی.
په اوسني پړاو کې د چت پلسترکاري، د سپټیک څاه سیخ تړل، قالب تړل او کیورنګ چارې په جریان کې دي او پاتې ساختماني چارې په چټکۍ سره پر مخ روانې دي.
د تخنیکي ارزونې له مخې، یاده پروژه د ښه کیفیت او منظم پلان له مخې پر مخ روانه ده او تمه کېږي چې پاتې چارې به هم په ټاکلي وخت او معیاري ډول بشپړې شي.
