پکتیا کې د مهاجرینو د ښارګوټي سطحي او تر ځمکې د لاندې اوبو څېړنه وشوه
۱۴۴۵/۷/۲۴
د پکتیا ولایت د کور او ښار جوړولو محترم رئیس مفتي عبیدالله رشاد وايي، د کور او ښار جوړولو وزارت په مشرۍ، اجباري راستنېدونکو مستحقو کډوالو ته د دایمي هستوګنې او د ځمکو د وېش کمیټې د هدایت پر اساس د یاد ولایت د محترم مقام له لوري د یوه ګډ هيئت سره د کور او ښار جوړولو ریاست تخنیکي ټیم د کډوالو او بېرته راستنېدونکو د ښارګوټي سطحي او تر ځمکې د لاندې اوبو منابع وڅېړل.
مفتي عبید الله رشاد وایي، د ریاست تخنیکي ټیم او ورسره مل هیئت په یاد ښارګوټي کې د اوبو شتون او کمښت، تر ځمکې د لاندې او سطحي اوبو کیفیت او له اوبو څخه د ښارګوټي د اوسیدونکو د استعمال څرنګوالی وڅیړه.
نوموړی وایي، د یادو موضوعاتو په تړاو به د ګډ هیئت موندنې، د اجباري راستنېدونکو لپاره د دایمي هستوګنې او د ځمکو د وېش کمېټې ته چې مشري یې د کور او ښار جوړولو وزارت کوي، وړاندې کړي.
