په بادغیس کې څه باندې ۱۸۳ زره جریبه دولتي ځمکه سروې او ثبت شوه
ښار جوړولو او ځمکو وزارت په هېواد کې د دولتي ځمکو بانک برنامې د پلي کېدو پر مهال د بادغیس ولایت اړوندو سېمو په ۱۵۰ قطعو کې ۱۸۳۵۷۳ جریبه دولتي ځمکه سروي او ثبت کړې ده.
له دې شمېرې څخه ۱۸۲۵۸۰ جریبه سپینه دولتي او ۹۹۳ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او بېلابېلو ولسوالیو کې سروې او ثبت شوي دي.
ښار جوړولو او ځمکو وزارت د وروستیو درېوو کلونو په لړ کې نږدې ۶.۵ مېلیونه دولتي ځمکه او د دولت تر ولکې لاندې عامه ملکیتونه سروې او ثبت کړي دي.
