کندهار کې د دوه روغتیايي پروژو رغنیزې چارې دوام لري

ښارجوړولو او ځمکو وزارت د کندهار ښار په لومړۍ ناحیه د ولایت مقام حرام سرای ودانۍ او د دې ولایت په عینو مېنې ښارګوټي کې د درملو د کیفیت ټسټ ودانۍ جوړوي.

د ولایت مقام حرم سرای ودانۍ په ۶۰۰۰ متر مربع ځمکه کې په دوه پوړونو د ۱ میلیونه او ۷۰۰ زره افغانیو په ارزښت د ښارجوړولو او ځمکو وزارت د پراختیايي بودیجې د جوړېدو په حال کې ده. رغنیزې چارې یې تر دې مه له ۹۰ سلنې اوښتې او په نیږدې راتلونکې کې به ګټې اخیستنې ته وسپارل شي.

د درملو د کیفیت ټسټ ودانۍ په ۱۳۰۰ متر مربع ځمکه کې په درې پوړونو د ۹۴ میلیونه او ۳۰۰ زره افغانیو په ارزښت د ښارجوړولو او ځمکو وزارت د پراختیايي بودیجې څخه جوړېږي، چې نیږدې ۲۰ سلنه کارونه یې بشپړ شوي دي.

ښارجوړولو او ځمکو وزارت د هېواد په کچه د روغتیايي کلینیکونو، د دولتي ادارو ودانیو، لوبغالو، موزیمونو، کتابتونونو، وړکتونونو، جوماتونو او تعلیمي او تحصیلي مرکزونو په جوړولو کې خورا مهمه ونډه درلوده او د تولګټو تاسیساتو جوړول د دې وزارت په کاري لومړیتوبونو کې دي.

###