کندهار کي د تحصیلي او تعلیمي دوه پروژو رغنیزې چارې دوام لري
ښارجوړولو او ځمکو وزارت د کندهار ښار په عینو مېنې ښارګوټي کې د دې ولایت د پوهنتون لیلیه او د ارغنداب ولسوالۍ په بابر کلي کې د وزیر محمد اکبر خان ۱۰ صنفي ښوونځی جوړوي.
د کندهار پوهنتون لیلیه په ۱۴۵۸ متر مربع ځمکه کې په څلورو پوړونو د ۹۸ میلیونه افغانیو په ارزښت جوړیږي چې رغنیزې چارې یې له ۲۰ سلنې اوښتي دي.
د وزیر محمد اکبر خان ۱۰ صنفي ښوونځی په ۷۲۱ متر مربع ځمکه کې په دوه پوړونو د ۲۸ میلیونه او ۸۰۰ زره افغانیو په ارزښت د ښارجوړولو او ځمکو وزارت د پراختیايي بودیجې څخه د جوړېدو په حال کې دی چې رغنیزې چارې یې ۹۰ سلنه بشپړې شوې دي.
ښارجوړولو او ځمکو وزارت د لوړو زده کړو او پوهنې وزارت اهمیت ته په کتو، تحصیلي او ښوونیزو مرکزونو جوړولو ته لومړیتوب ورکوي.
###
