پکتیا کې د دوه تعلیمي پروژو رغنیزې چارې پیل شوې
ښارجوړولو او ځمکو وزارت د پکتیا پوهنتون د کتابتون او د دې ولایت په مرکز ګردیز ښار کې د عبدالحی ګردیزي ښوونځي رغنیزې چارې پیل کړې.
د عبدالحی کردیزي ښوونځی په ۱۵۰۰ متر مربع ځمکه کې په درې پوړونو د ۶۸ میلیونه او ۱۰۰ زره افغانیو په ارزښت؛ همداراز د پکتیا پوهنتون کتابتون په ۳۷۵ متر مربع ځمکه کې په درې پوړونو د ۲ میلیونه او ۶۰۰ زره افغانیو په ارزښت د ښارجوړولو او ځمکو وزارت له بودیجې جوړیږي.
ښارجوړولو او ځمکو وزارت د تعلیمي او پراختیايي پروژو د رغنیزو چارو په ګړندي کولو سره، په بېلابېلو برخو کې هېوادوالو ته د اساسي خدماتو کچه لوړه کړې او خلکو ته یې لازمې اسانتیاوې رامنځته کړې دي.
###
