په کونړ کې د پوهنې د درې رغنیزو پروژ چارې دوام لري
ښارجوړولو او ځمکو وزارت د کونړ ولایت په اسمار ولسوالۍ کې د یو ۲۴ صنفي ښوونځي، په پیچ درې ولسوالۍ کې د یو اته صنفي ښوونځي او د اسمار ولسوالۍ په چپکوی کلي کې د یو شپږ صنفي ښوونځي رغنیزې چارې په ټولیز ډول ۵۰ سلنه بشپړې کړي دي.
د ویلو ده چې په اسمار ولسوالۍ کې ۲۴ صنفي ښوونځی په ۱۳۸۲ مترمربع ځمکه کې په درې پوړونو د ۱۹ میلیونه او ۸۰۰ زره افغانیو، په پیچ درې ولسوالۍ کې اته صنفي ښوونځی په ۵۵۶ متر مربع ځمکه کې په دوه پوړونو د ۱۷ میلیونه او ۷۰۰ زره افغانیو او په اسمار ولسوالۍ کې شپږ صنفي ښوونځی په ۶۰۰ متر مربع ځمکه کې په دوه پوړونو د ۲۲ میلیونه افغانیو په ارزښت د پوهنې وزارت له پراختیايي بودیجې څخه جوړیږي.
ښارجوړولو او ځمکو وزارت د ښوونځیو په جوړولو سره د هېواد په لرې پرتو سیمو کې د زده کړې او تدریس مناسبې فضا په برابرولو سره، پوهنې وزارت سره د ښوونیزو برنامو په ښه تطبیق کې مرسته کوي.
###
