په کندهار کې د حرمسرای تاريخي ابدې د ترميم او مرمت چارې له ۸۰ سلنه ډيرې پرمخ تللي
ښار جوړولو او ځمکو وزارت د کندهار ولايت په مرکز کې د حرمسرای تاريخي ابدې د مرمت او بيارغونې چارې ۸۹ سلنه پرمخ وړي او په نږدې راتلونکي کې به يې پاتې چارې هم بشپړې کړي.
دا تاریخي ابده په ۶۰۰۰ متر مربع ځمکه کې په دوه پوړيز ډول د ښار جوړولو او ځمکو وزارت د تاريخي ابداتو د ترميم او مرمت ملي ادارې له لارې په يو ميليون او ۷۰۰زره افغانيو رغول کيږي.
ښار جوړولو او ځمکو وزارت د دې تاریخي ابدې سره هممهاله په کابل کې د پلخشتي جامع جومات او د بالا باغ ماڼۍ، په بدخشان کې د خرقې مبارکې جومات او په هرات کې د هرات جامع جومات د ترميم او بيارغونې چارې بشپړې کړي دي.
