په کاپیسا ولایت کې د دوو ساختماني پروژو چارې روانې دي
ښار جوړولو او ځمکو وزارت په کاپیسا ولایت کې د اداري کمپلکس د جوړولو چارې ۸۰ سلنه او د ولایت احاطوي دیوال او د محافظینو د کوټو د جوړولو چارې یې ۴۰ سلنه بشپړ کړي دي.
د ولایت اداري کمپلکس ودانۍ په ۱۲۷۵ متر مربع ځمکه په دریو پوړو کې د ۳۵ میلیونه او ۶۰۰ زره افغانیو په ارزښت او د محافظینو کوټي او احاطوي دیوال د ۳ زره متره په اوږدوالي په ۳۶ میلیونه او ۱۰۰ زره افغانیو په ارزښت د ښار جوړولو او ځمکو وزارت په مالي مرسته جوړیږي.
ښار جوړولو او ځمکو وزارت په هېواد کې ټولګټو پروژو تطبیق ته چې پایله یې د خلکو هوساینه ده لاره هواره وي.
###
