په کابل کې څه باندې ۲۹۰۰ د ملکیت سندونه ووېشل شول
ښار جوړولو او ځمکو وزارت د غیر رسمي ښاري سیمو د ثبت برنامې له لارې د پلازمینې کابل ښار شپاړسمې ناحیې مستحقو ښاریانو ته ۲۹۵۳ د ملکیت سندونه ووېشل.
د یادولو وړ ده چې د شپاړسمې ناحیې د غیر رسمي ښاري کورونو د سروې او ثبت چارې پای ته رسېدلي او هېوادوالو ته د ملکیت سند د وېش لړۍ هم پیل شوې ده.
ښار جوړولو او ځمکو وزارت د غیر رسمي ښاري سیمو د برنامې په پلي کېدو سره په کابل کې؛ ۴۹۹ زره او ۵۱۴ کورونه په ۲۲مه ناحیه کې سروې او ثبت کړي او تر دې دمه یې مستحقینو ته ۱۴۸۹۴ د ملکیت سندونه هم وېشلي دي.
