په لغمان ولایت کې د دارالمعلمین سړک له رغنیزو چارو څارنه تر سره شوه
۱۴۴۶/۹/۱۷
د لغمان ولایت د کور او ښار جوړولو ریاست محترم رئیس مولوي حسین احمد تیلوي وایي، د دې ریاست اړوند تخنیکي ټيم د مهترلام ښار د دار المعلمین سړک له رغنیزو چارو څارنه تر سره کړه.
ښاغلي مولوي تیلوي وویل، د ګډ هیئت لخوا د یاد سړک ټولې رغنیزې چارې و څارل شوې او قراردادي شرکت ته سپارښتنه وشوه، چې چارې د احجامو مطابق تر سره کړي.
د کور او ښار جوړولو وزارت مرکز او ولایتي ټيمونه د ادارو په غوښتنه د پروژو له چارو څارنه کوي، تر څو چارې په معیار برابرې تر سره شي.
