په فراه ولایت کې د خپل سرو ودانیو مخنیوی وشو
۱۴۴۶/۴/۱۱
د فراه ولایت د کور او ښار جوړولو ریاست محترم رئیس مولوي نصرالله استقلال وایي، د دې ریاست د تخنیکي ټيم لخوا د فراه ښار په بیلابیلو ناحیو کې د ښاري تخلفاتو د مخنیوي په موخه د خپل سرو کورونو د جوړیدو څخه څارنه وشوه.
ښاغلي مولوي استقلال وویل، د فراه ښار په څلورمه ناحیه کې د هغو کورونو د جوړیدو مخنیوی وشو او چارې و ځنډول شوې چې د نقشې خلاف یې ودانیزې چارې روانې وې.
په ورته وخت کې د کورونو مالکینو ته هدایت وشو تر څو د تخلفاتو د طرزالعمل له مخې نقشې جوړې او ویزه کړي.
د کور او ښار جوړولو وزارت د ښاري نظم او پراختیا په موخه د ودانیو له چارو څارنه کوي، تر څو ټولې ودانیزې چارې د نقشې مطابق تر سره شي.
