په تخار کې څه باندې ۱۷۷ زره جریبه دولتي ځمکه سروې او ثبت شوه
ښار جوړولو او ځمکو وزارت په هېواد کې د دولي ځمکو بانک برنامې د پلي کېدو پر مهال د تخار ولایت اړوندو سېمو په ۳۲۲ قطعو کې ۱۷۷۰۲۵ جریبه دولتي ځمکه او ملکیتونه سروې او ثبت کړي دي.
له دې شمېرې څخه ۱۷۳۶۸۸ جریبه سپينه دولتي ځمکه او پاتې ۳۳۳۷ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او ولسوالیو کې سروې او ثبت شوي دي.
ښار جوړولو او ځمکو وزارت د وروستیو درېوو کلونو په لړ کې نږدې ۶.۵ مېلیونه دولتي ځمکه او د دولت تر ولکې لاندې عامه ملکیتونه سروې او ثبت کړي دي.
