په تخار کې د يوه ۶ صنفي ښوونځي لپاره ودانۍ جوړه شوه
ښار جوړولو او ځمکو وزارت د تخار ولايت د نمکاب ولسوالۍ په تاقچه خانه سيمه کې د کبير شهيد ښوونځي لپاره د ودانۍ جوړولو چارې بشپړې کړې.
د ښوونځي دا ودانۍ په ۶۱۸ متر مربع ځمکه کې په يو پوړيز ډول د پوهنې وزارت له پراختيايي بوديجې څخه په ۱۸ ميليونه افغانيو ورغول شوه.
ښار جوړولو او ځمکو وزارت د پېش ساخت قطعاتو د توليد فابريکې له لارې په روان کال کې تر اوسه د هېواد په ۲۴ ولايتونو کې د ۷۵ ښوونځيو لپاره ودانۍ جوړې کړي دي او دا لړۍ لا هم دوام لري.
